خبت عيونها منى
و دارت الحزن فى قلبها
عشان عارفة انى
جيت فى لحظة و خنتها
قالو لها و للا شافتنى
مفرقتش وقتها
لكن كل اللى آلمنى
ضياعى فى بعدها
صرخت و قلت لا
دانا محتاجلها
دى هى دى حياتى
و ذكرياتى كلها
مش قادر انسى لمه
كنت رايح لها
و قالتلى انها عارفة
ان اللى بيننا انتهى
مصدَقتِش كلامها
و مفهِمتِش قصدها
لحد ما فى يوم دفَعت
تمن غلطة غلطتها
خفت أكلمها تانى
و قررت أكتبلها
عن أسفى و اعتذارى
و شوقى لحبها
بس عارف انها مش راجعة
و عارف ردها
كان نفسى تبقى ليا
و بإيديا ضيعتها
ياريتها يوم تسامحنى
دانا فعلا بحبها
No comments:
Post a Comment